Illoqqortoormiut

Wikipedia-meersoq
Ittoqqortoormiit (2007)

Illoqqortoormiut tunumi illoqarfiit aapparaat avannarpasinnersaalluni, pinngortitarsuarlu eqqissisimatitaasoq (nationalpark) qanillugu. Illoqqortoormiut, imaluunnit Illoqqortoormiut kitaamiusut taaneqartartoq, nunaqarfii marluk ilanngukkaanni 496-nik innuttaasoqarpoq, inuillu Tasiilamiit nuutsinneqareernerisa kingornatigut 1925-mi tunngavilerneqarluni. Itterajivit Illoqqortoormiut kitaatungaani inissisimavoq, 10-nillu inoqarluni. Silasiorfiunikuusoq Uunarteq kujasissumi inissisimasoq 1980-imi matuneqarpoq, ilaqutariillu kingulliit piniarnermik inuussuteqarsimasut nunaqarfik 2004-mi qimappaat. Illulli Illoqqortoormiut pigineqarput, aasarsiorfittullu atorneqartarlutik. Uunarteq eqqaaniippoq aamma puilasoq kissartoq.

1. jan. 2009 aallarnerfigalugu Illoqqortoormiut kommuneqarfimmut Sermersooqmut atalerput.

Kinguaariit ingerlaneranni Illoqqortoormiuni arfanniarneq, nannunniarneq aallunneqartarsimasoq, ullumittaaq. Naak illoqarfiup eqqaa raajaqarfiulluarluni qaleraliffiulluartoq, ukioq naallugu aalisarnissai sikorsuarnik akornuserneqarpoq. Taamaammat aalisarneq Illoqqortoormiuni ineriartortinneqarsimanngilaq. Takornariaqartitsinerli ineriartorpoq ingerlalluarluni. Illoqqortoormiut tikissagaanni akikinnersaavoq Island-ikkoorluni.

Wikimedia Commons assinik nipinilluunniit peqarpoq, uunga tunngasunik:

Una allaaserisaq aallarniutaannaavoq. Wikipedia ikiorsinnaavat nangikkukku.