Kangerlussuaq

Matumannga Wikipedia

Kangerlussuaq (Qallunaatut: Søndre Strømfjord) Kalaallit Nunaata kitaani kangerluit qinngortunersaasa tulleraat 170 km-iulluni. Mittarfik kangerluup qinnguani Watson River-ip kangerlummut kuuffigisaani inissisimavoq. Tassani najugaqavissut 450-erpiaasut mittarfik ingerlataraat.

Junip aallartinneraniit septemberip tungaanut aputeqarneq ajorpoq ullullu qaamaneri takisarlutik, junillu naanerani seqineq ulloq unnuarlu kaaviinnartarpoq.

Sumiiffik tamanna naasoqarluarpoq uumasoqarluarlunilu, aammalu pinngortitami angalaarnissamut periarfissarpassuaqarpoq – aammattaaq junimiit septemberip saniatigut – aammattaaq aallaaniarnissamut aalisarnissamullu periarfissaqarluarpoq.