Ammassalik

Matumannga Wikipedia

Ammassalik kommunea, kommuni pilersinneqarpoq kommunalbestyrelsimut qinersineqaqqaarmat 1. januar 1963-imi, taamaalilluni ulumikkut kommunalbestyrelsi atuuttoq kommunalbestyrelsiuarsimasut nr. 11-rivaat.

Kommuni nunatamigut angissuseqarpoq 250.000 km²-inik, Danmarki tallimariarlugu angissuseqarluni.

Ulloq 6. septemberi 2006 -imi kommunip innuttai 3.067-upput, taakkunaniillu 1.883-it missaat illoqarfimmi najugaqarlutik, taavalu 1.184 -it missaat nunaqarfinni tallimani agguarsimallutik Kuummiuni, Kulusumi, Tiniteqilaami, Sermiligaami aammalu Isertumi.

Kommuni avannamut killeqarfeqarpoq Ittoqqortoormiit kommuniannut, kimmut kujammullu killeqarfigalugit avannamut Ilulissat, kujammullu Nanortalik, kommunillu kommuneqarfinnut katillugu 13-nut killefarfeqarpoq.

Ukioq tamaat sapaatip akunneranut arlaleriartumik kommunimut timmisartunik tikittoqartarpoq Kangerslussuarmiit (Søndrestrømnfjord), Nerlerit Inaanniit (Konstabel Pynt) aamma Keflavik/Reykjavík Islandimiit. Aaasaanerani timmisartut ullut tamaasa Reykjavikimiit Kulusumut tikerartuartarput timmisartoq ataaseq pingasulluunniit akulikitsumillu amerlanerusut.

Immakkut angallattoqarsinnaavoq junip aallartinneraniit oktober-ip naaneranut.

Immakkut angallaffiup avataanni nunaqarfinnut tamanut sapaatip akunneranut ataasiarluni qulimiguulimmik attaveqatarpoq, kisimi Qerneretuarsuit Ikkatseq-lu pinngagit.

Kommunimut akileraarut 2003-mi 27 % -iuvoq, naatsorsuutigineqarporlu 2006 -mi 45 mio. kr.-nit missaannik isertitaqarnissaq.

2005-imut kommunip ingerlatsinerminut aningaasaliissutigaat 197 mill.kr.-nit saniatigullu isertitaralugit 197 mill.kr.-nit

Inuit 700-it missaanni kommunimiit aningaasarsisarput allatulluunniit pissasisarlutik, tunninneqartartullu angissusiat atorfinnut nalleqqiutissagaanni atorfiit 260-it naligissavaat.