Aasiaat

Wikipedia-meersoq
Aasiaat
Nuna {{{{{nuna}}}}}
Kommune Qaasuitsup Kommunia
Tunngavilernera
Kisitsit
Inuttussuseq 3.005 (2010)
Inuit eqimassusiat
Post nr. 3950
Nittartagaq aasiaat.gl

Aasiaat kommuneat qeqertarsuup tunuani inissisimavoq, 1763-milu tunngavilerneqarluni. 1759-mi tunngavilerneqaraluarpoq kujasinnerusumi "Eqalussuit"-ni nalaani. Niuerniarnikkut atungarisat pitsaanngimmata avannarpasinnerusumut nuunneqarpoq, ullumikkumillu suli inissisimaffigalugu. Aasiaat kommunea ullumikkut 3190-lluinnarnik inoqarpoq, nunaqarfigalugillu Akunnaaq (140-t), Kitsissuarsuillu (113-it miss.) Aasiaat 1987-mi nutaamik fabrik-ertaarpoq, illoqarfimmullu aningaasaqarniarnikkut iluaqutaaqisimik, taamaalilluni aalisarneq inuutissarsiutit illoqarfimmi qitiulluarpoq.

Aasiaat qangalili ilinniartoqarfiusimavoq, soorlu nivissanut ilinniartoqarfeqarnikuusoq (Pige Skolen). 1986-imilu ilinniarnertuunngorniarfiit nunatsinnut eqqunneqarmata, HF-i taarserlugu, avannaani ilinniarnertuunngorniarfik Aasiannut inissinneqarpoq. Ukiuni kingullerni Aasiaat aamma tusaamassutigilersimavaa Nipiaa Rock Festival, nipilersortartunik nunaniit allaniit nunatsinniillumi peqataasoqartarluni. Kulturikkut erinarsoqatigiinnikkut aammattaaq eqeersimaartuuvoq. Maannalu aamma Inuit Culture Festival ingerlattalersimallugu.

Commons-logo.svg
Wikimedia Commons assinik nipinilluunniit peqarpoq, uunga tunngasunik: