Air Greenland

Air Greenland
Pilersinneqarnera	1960
Mittarfiit pingaarnerit	Mittarfeqarfiit, Kangerlussuaq
Timmisartut amerlassusaat	27
Sumunnarfiit	18
Allaffeqarfik	Nuuk, Kalaallit Nunaat
Inuttat malunnaatillit	Michael Binzer (CEO)
	Nittartagaq: airgreenland.gl

Air Greenland 1962'imi Grønlandsfly A/S'itut Namminersornerullutik Oqartussanit, Danskit Naalagaaffiannit, SAS'imit, Orsugiassioqatigiinnillu pilersinneqarpoq. Ullumikkut piginnittuupput; SAS (37,5 %), Kalaallit Nunaanni Namminersorlutik Oqartussa (37,5 %), Danskit Naalagaaffiat (25 %).

Sulisut 600'it missaaniittut suliffeqarfimmi atorfeqartut, sumiiffinni 18'ini Kalaallit Nunaanni, Danmarkimilu inissisimaffeqarput.

Air Greenland ukiumoortumik nunatsinni, Kalaallit Nunaannut, Kalaallit Nunaannilu ornigassanut kisimi ingerlatsisuusarpoq. Kalaallit Nunaanni timmisartuussisarnerit, silap pissusaani issittumi timmisartunik suluusalinnik qulimiguulinnillu ingerlanneqartarput.

Timmisartuutit

Maaji 2010

**Air Greenland'ip Timmisartuutai**
Timmisartoq	Pigineqarpoq/put	Ilaasorisinnaasat	Ingerlaffik/viit
Airbus A330-200	1	245	CPH-SFJ, Attartortitsinerit
Super King Air	1	7	Napparsimasunik nakorsartarialinnik ingerlatsigasuarnerit, Attartortitsinerit
Dash 8 Q200	7	37	Kalaallit Nunaat, Keflavik Island, Attartortitsinerit

**Air Greenland'ip Qulimiguuliutai**
Timmisartoq	Pigineqarpoq/put	Ilaasorisinnaasat	Ingerlaffik/viit
Bell 212	8	9	Kalaallit Nunaat
AS 350	9	5	Kalaallit Nunaat
Airbus H225	2	19	Kalaallit Nunaat

Toqqaannartumik Narsarsuarmiit, Kangerlussuarmiillu Air Greenland'ip timmisartuutaanik Airbus A330-200'imik (Norsaq) Boeing 757-200'imillu (Kunuunnguaq) Københavnimut timmisartuussisoqartarpoq. Ukioq manna aasaanerani toqqaannartumik Islandip illoqarfiisa pingaarnersaata timmisartoqarfianut, Reykjavik (Keflavik)'imut timmisartuussisarnerit maajimi Nuummiit ingerlanneqartalissapput.

Aasaanerani Air Iceland, Air Greenlandi'mut unammillertaasartoq, ukiunilu kingullerni siuariaateqarluarsimasoq, ingerlaffigisarpai; (Reykjavikkimiit)

Ittoqqortoormiit / Nerlerit Inaat toqqaannartumik Air Greenland'ip timmisartuutaanik suluusalinnik ingerlaffigineqanngilaq.

Air Greenland'imi attartortitsinerni immikkoortortaqafimmi makku soorlu suliarineqartarput:

Attartorluni aalajangersimasumik timmisartuussinerit
Napparsimasunik nakorsartarialinnik ingerlatsigasuarnerit
Paasisassarsiorluni misissuinerit - ilisimatusarnermik tunngaveqarluni suliaqartunut ikiuunnerit
Annaassiniarnerit
Timmisartuussinerit immikkut ittut - tassani aamma timmisartup ataaniitillugit kivitsilluni assartuineq
Heliskiing