Naalagaaffiup Sinniisoqarfia

Wikipedia-meersoq

Kalaallit Nunaanni Naalagaaffiup Sinniisoqarfia (Qallunaatut: Rigsombuddet i Grønland) Naalagaaffiup Kalaallit Nunaannut attaveqaataatigaa.

Naalagaaffiup Sinniisoqarfiata sinniisuuffigai kunngiussut, Naalagaaffimmi Kunngeqarfiup Naalakkersuisui (Regeringen) Kalaallit Nunaanni. Sinniisoqarfiup isumangisarivaa Nunatsinni Namminersorlutik Oqartussaani Naalakkersuisut, Danmarkimilu Kunngeqarfiup Naalakkersuisuisa akorngini ataqatigiissaakkamik siunnersuinissaq.

Sinniisoqarfiup suliarisarivai ilaqutariit inatsiseqartitaanerannut tunngasunik Danmarkimi naalagaaffiup ingerlatsiviini periaatsit assigalugit.

Naalakkersuisut Naalagaaffimmi Sinniisoqarfik ilisimatittarpaat Inatsisartuni ileqqoreqqusat, peqqussutillu aalajangersakkat inatsisit akuersissutigineqartut pillugit aammattaaq naliginnaasumik Naalakkersuisunit inatsisissatut suliaat. Naalakkersuisut Naalagaaffiup Sinniisua inassinnaavaat Kalaallit Nunaanni pisortaqarfinni isumaqatiginninniarnerni peqataaqqullugu.

Naalagaaffiup Sinniisoqarfiata aammattaaq suliassarai:

  1. Piffissat aalajangersimasut pillugit nalunaarusiat Ministeriuneqarfimmut ingerlatinneqartussat, Inatsisartut ataatsimiinerini najuuttarneq tamannalu pillugu Ministeriuneqarfimmut nalunaarusiortarneq Inatsisartullu oqaluuserisaat pillugit ministereqarfinnut attuumassuteqartunut allanut nalunaarusiortarneq.
  2. Qullersatut oqartussaasutut suliaqarneq, ilaqutariit inatsiseqartitaanerannut tunngasunik Kunngeqarfimmi naalagaaffiup ingerlatsiviini Danmarkimiittut periaatsit assigalugit.
  3. Kunngikkormiut, Folketingimut (Naalagaaffimmi Kunngeqarfimmi Inatsisartut), Naalagaaffimmilu Naalakkersuisunut ilaasortat allallu Kalaallit Nunaannut tikeraarnissaannut pilersaarusioqataaneq ingerlatseqataanerlu tamakkununngalu atatillugu ataatsimiittarnerni peqataaneq.
  4. Naalagaaffik sinnerlugu oqartussat Kalaallit Nunaanni najugallit periaatsit pingaarutillit pillugit Namminersorlutik Oqartussanut saaffiginnissutissaannik ataqatigiissaarineq.
  5. Naalagaaffiup tamarmi innuttaasuinut Kalaallit Nunaanni najugallinnut Pituffimmiikkallarnissaannut akuersissutiliorneq.
  6. Folketingimut Kalaallit Nunaanni qinersititsineq aamma Foketingip aalajangigaanik inunnik taasisitsineq.
  7. Innuttaasutut nalunaarsugaaneq pillugu naammagittaalliuutinik aalajangiisarneq..
  8. Kunngip nersornaasigassaannik inassuteqartarneq (ridderitut ataqqinaat, saqqarmiu aammalu ataqqinaaserneqarneq).

Kalaallit Nunaanni Naalagaaffiup Sinniisua[aaqqissoruk | rediger kildetekst]

Maannakkut sinniisu: Mikaela Engell

Kalaallit Nunaanni Naalagaaffiup Sinniisua Kalaallit Nunaanni Naalagaaffik sinnerlugu qullersaalluni sinniisuuvoq Namminersorlutillu Oqartussanut Nalagaaffimmilu oqartussanut attaveqaataalluni.

Aammattaaq Naalagaaffiup Sinniisua pinngitsoorani siulersuisuni ilaasortaassaaq uani Piorsarsimassutsikkut Aningaasaateqarfik Danmark-Kalaallit Nunaat.

Naleqq.[aaqqissoruk | rediger kildetekst]

  1. Pisortatigoortumik nittartagaq
  2. The High Commissioner of Greenland