Atlantikup Avannaani Suleqatigiiffik

Wikipedia-meersoq
Spring til navigation Spring til søgning

Atlantikup Avannaani Suleqatigiiffik (NORA) tassaavoq Nordisk Ministerråd-ip ataani killeqarfiit akulloqquallugit ataatsimiisitaliaq. Nordisk Ministerråd-illu nunat ilaannut pilersaarutaata ataani naalagaaffiit akornanni suleqatigiinnermut tunnga-sunik suliaqartartuulluni. NORA-p avannarpasissumi inissisimanera, suleriaatsinik ilisimasaqarpalaar-tumik ingerlariaaseqarnera, Nunallu Avannarliit anguniagaannik pingaartitaannillu aallaaveqartuunera naalagaaffiit assigiinngitsut akornannni suleqatigiinnermik aallarniisuusarnissaanut tunngavissaqartil-luarpaa.

NORA Nordisk Ministerråd-imit aningaasalersorneqarpoq, aammalu nunat uku suleqatigiiffimmut pe-qataasartut aningaasaleeqataasuusarput: Savalimmiut, Kalaallit Nunaat, Island aammalu Norge-p sine-riaa.

NORA-p ataatsimiisitaliaa nunanit peqataasartunit sisamanit inuttalersugaavoq. Nunat tamarmik pinga-sunik ilaasortaatitaqarput, ataatsimiisitaliarlu NORA-p ukiunut arlalinnut sulinikkut pilersaarusiornera tamakkiisumik malittarisassiuullugu aalajangersaasarpoq.

NORA-p allattoqarfia Savalimmiuni Tórshavn-imi inissisimasuuvoq. Nunani ukunani allattoqarfiit si-samat saaffigisartagassamik ataatsimik inuttalersugaapput: Island, Kalaallit Nunaat, Norge-p kujataa/-kitaa aammalu Norge-p avannaa.

NORA-p nunani immikkoortortaqarfiusuni suleqatigiinnerup nukittorsernissaa sunniuteqaqataaffigisus-saavaa, anguniarneqarporlu Atlantikup avannarpasissuata immikkoortortaqarfia nukitooq annertuumillu sunniisinnaasoq. Ineriartornerup patajaatsup nukituullu ilisarnaatigai aningaasatigut imminut napatissin-naaneq. Tamanna ilaatigut nunat killeqarfii akulloqquallugit inuussutissarsiornikkut suliffeqarfiit, aam-malu ilisimatusarnikkut ineriartortitsinikkullu kattuffiit suleqatiginerisa nukittorsarneragut anguneqas-saaq.

Taamaasilluni NORA-p makku suliassarai[aaqqissoruk | redigér wikikode]

  • Politikkikkut sulinikkullu periarfissarsiuussineq, taamaasiornikkut Atlantikup avannarpasissuani apeqqutit naammassisassat eqqartorneqarsinnaaqqullugit, aammalu ataatsimoorussamik iliuuserineqarsinnaasut suliniutigineqarsinnaasullu ineriartorsinnaaqqullugit.
  • Pilersinniakkanik siunernatilinnik suleqatigiissuteqartarnissat akunnermiliuuffigalugillu aallarnisarnissai.
  • Nunat Avannarliit imminut napatinnissamut tunngavigisartagaat malillugit ineriartortitsinermi sunneeqataanissaq.
  • NORA-p Nunat Avannarliit nunanik sanilerisanik suleqatiginniffigisinnaasaatut pilerinarsarnissaa.
Wiki letter w.svg Una allaaserisaq tannerusinnaagunaraluarpoq. Wikipedia ikiorsinnaavat ilagukku.