KNI A/S
KNI - Kalaallit Niuerfiat - ingerlatseqatigiiffiuvoq Namminersorlutik Oqartussat pigisaat.
KNI A/S-ip ingerlatarai niuernikkut ingerlatsiviit sisamat, tamarmik nutaaliaasumik periaaseqarluni aqunneqartut. Kalaallit Nunaat tamakkerlugu pisiniarfinni nioqqutissanik niuerneq ikummatissanillu pilersuineq isumagisarivai. Ingerlatsiviit tassaapput: Polaroil, Pilersuisoq, aamma suliffeqarfiutigisaq Neqi A/S.
Qitiusumik sullissivik Sisimiuniippoq, Kalaallit Nunaanni illoqarfiit annersaata tulliani timmisartullu avataaneersut tikittarfiannut Kangerlussuarmut timmisartorluni nalunaaquttap akunnerata affaata missaanik ungasitsigisumiittumi.
Kalaallit Nunaat tamakkerlugu 1.000-it eqqaasiorlugit amerlassusilinnik sulisoqarpoq. Ukiut kingulliit tallimat ukiumut nalunaarutit uani takuneqarsinnaapput.
Pisortaaneq, CEO, Jeppe Jensen 2021-miit KNI A/S-imi atorfinippoq. KNI A/S-ip siulersuisuinut siulittaasuuvoq Inger Eriksen.
Nunaqarfinni isorliunerusunilu allakkeriveqarneq, aningaaseriveqarneq, mittarfeqarneq umiarsualivinnullu oqartussaaneq ingerlatsiviit allat suleqatigalugit KNI-mit isumagineqarput. Suliassat assigiinngiiaartut unammilleqatigiinnermi naliginnaasumi periuutsit atorlugit ingerlanneqarsinnaanngillat, tamannalu patsisaavoq isumaqatigiissutit aningaasartalikkat aallaavigalugit Namminersorlutik Oqartussat sinnerlugit KNI-mit isumagineqarnerannut.
Oqaluttuassartaa
[aaqqissoruk | rediger kildetekst]KNI 1774-mi aallartippoq, taamani pilersinneqarmat KGH - Den Kongelige Grønlandske Handel. Namminersornerullutik Oqartussat KGH 1986-mi naalagaaffimmiit tiguaat ingerlateqqillugu taaguusikkaminnik Kalaallit Niuerfiat (Kalaallit Nierfiat KNI). 1985-mi Royal Greenland ingerlatseqatigiiffittut nammineertutut pilersinneqarluni KNI-mit avissaartinneqarpoq, 1993-milu Royal Arctic Line ingerlatseqatigiiffittut nammineq ingerlalerpoq, kiisalu pisiniarfiit Pisiffik aamma Pilersuisoq pilersinneqarput.
Usinik assartuineq, ilaasunik assartuineq allakkeriveqarnerlu 1997-mi ingerlatseqatigiiffinnut allanut nuunneqarput. 2001-mi Pisiffik namminersortunik tiguneqarpoq, taassumalu Nanortalimmi, Narsami, Paamiuni Qasigiannguanilu pisiniarfii KNI-mit tiguneqarput. Kangerlussuarmi Narsarsuarmilu pisiniarfiit 2002-mi KNI A/S-imit tiguneqarput.
Linkit
[aaqqissoruk | rediger kildetekst]- Ingerlatseqatigiiffiit Namminersorlutik Oqartussanit pigineqartut
- KNI A/S-ip ingerlatseqatigiiffii
- Ukiumut 2021/2022 nalunaarutit
Naleqqiussat
[aaqqissoruk | rediger kildetekst]
Una allaaserisaq aallarniutaannaavoq. Wikipedia ikiorsinnaavat nangikkukku.