Wikipedia:Tunngaviusumik malitassat
Wikipediap tunngaviusumik malitassai, qangali wikipedia aallartimmalli atareerput, ilaalli pilersinneqarlutik piffissap ingerlanerata nalaani. Tamarmilli assigiissutigivai, ingerlaariaatsip atorneqarnera allangortinneqarsinnaammat, atuisut oqallilluarneratigut aamma isumaqatigiilluarneratigut (Konsensus; ilumoorsorisaq inuit amerlanerussuseqartut isumaqataaffigisaat).
- Neutral-imit isigalugu (NPOV) tassaavoq ingerlaariaaseq pingaarnerpaaq, naatsumik oqaatigalugu allaaserisat tassaassammata ilaliunnaveersaarnerit, kikkunnut tamanut isaannut tunngassuteqassammata.
- Atuakkiortoq pingaartinneqassaaq - imaappoq, allaaserisat kopeerneqassanngillat piginneqqaartussaatitaanermut isumaqatigiissummik imaqartut.
- Ittuussanngilatit. Wikipedia aserorsinnaanngilaq; allaaserisat tamarmik inissisimaffiannut (siulianut) inissinneqaqqissinnaapput. Taamaattumik qanorsuaq tunuarsimaarnak allassinnaavutit.
- Aallaavinnik torersaaneq. Wikipedia allattoqarpoq amerlasoorpassuarnik, taamaattumik allatat suminngaanneerneri pingaaruteqarpoq nalunaarutigineqartasssut.
- Malitassat tamarmik soqutigissanngilatit. Imaappoq malittarisassanik aporfigisaqaruit saneqqussinnaavatit, kisianni tamanna eqqarsarluaqqaarnermik peqquteqarluartumillu pissuteqartariaqarpoq.
- Siulliunaveersaarneq pinngitsoortiguk imaappoq saqqummiussissanngilatit nammineq isumannik malinnillutit, wikipedia ilisimariikkat saqqummersissagamigit. Allat ilisimariigaat ilaatittarsinnaavatit, kisiannili nammineq naggasiineq/isummersuineq maani ilaatinneqartassanngillat.
- Ilisimaguk, allat ajunngitsumik isumaqarmata. Attaveqatigiinnermi isummat amerlivallaartarsinnaapput, pingaarporlu aamma allat qanoq isumaqarsinnaanerat ilaatinneqartariaqarmat. Taamaattumik ataasiakkaanut saassussinaveerit, ilaannullu qinnuteqarlutit pineqartunut isummanik tunngavigilersuinerusinnaasunik.