Wikipedia

Wikipedia-meersoq
Wiki.png

Wikipedia tassaavoq leksikoni ammasunik imalik, atuisut suleqatigiinnerisigut allanneqartoq. Wikipedia Wikimedia-mit aqunneqarpoq, taanna aningaasaateqarfiuvoq iluanaarniarfiunngitsoq, siunertamut immikkut pilersitaq. Taaguut Wikipedia (taaneqartarnera: [wikipiidea] marloqiusamit aallaaveqarpoq; wiki hawaiimiusut isumaqartoq sukkasooq, naggataalu encyclopedia (tuluttut), qallunaatut encyklopædi. Qaammat una: Apriili ukiorlu una: 2014, qallunaatuaa qulequttanik amerlaqisunik imaqarpoq, kalaallisuua suli imaqarpallaanngilaq maannamullu ima amerlatigalutik: 1.606. Jannuaari 2004-mi Wikipediap oqaatsit assigiinngitsut atorlugit allatat imarisai katillugit 400.000 missaanniipput, taakkunanngalu 200.000 missaat tuluttuujullutik. Aggusti-mi 2009, allaaserisat 13,7 mio. sinnerpaat, tuluttuuanilu (amerlanerpaasut) qaammat taanna 3 mio. nallerai. Kalaallisuuani 216-it miss.

Wikipedia 15. januar 2001-imi tuluttut aallartinneqarpoq Larry Sanger-imit aamma Jimbo Wales-imit. Qallunaatuua aallartinneqarpoq 1. februaari 2002.

Tunngavigisat pingaarnerit

Wikipediami tunngavigisat pingaarnerit pingasut, World Wide Web-imi immikkut inissisimaneranik nassuiaasuusut tassaapput:

  1. Sallerpaatillugu Wikipedia tassaavoq leksikoni imaluunniit taamaatut inissisimalernissaa anguniarneqarluni.
  2. Wikipedia tassaavoq: wiki, imaappoq kimilluunniit aaqqissuunneqarsinnaavoq.
  3. Ammasunik imaqarpoq GNU Free Documentation License-llu ataaniilluni.

Wikipediamik tapersersuisuupput: Richard M. Stallman aamma Free Software Foundation. Stallman-ip Wikipedia suli aallartinngitsorli »leksikonip naqisimaneqanngitsup tamanullu ammasup« atorluarsinnaassusia tikkuartorpaa.

Software aamma hardware

Aallaqqaammut Wikipediami atorneqarpoq UseModWiki, Clifford Adams-imit allataasoq.

26. januaari 2002 tuluttut Wikipedia UseModWiki-miit PHP-mut aamma mySQL-mut nuuppoq.

25. septembari 2002 qallunaatut Wikipediap programmi taanna aammattaaq atulerpaa.

Suliniut ingerlanneqarpoq arlalinnik immikkut servereqartillugu, taakkualu Florida-mi, USA-miittumi inissisimapput. Serverit taakkua Wikipedia-p oqaatsinik sunilluunniit allanneqarluni ingerlanera isumagisaraat aammattaarlu isumagisaralugit: postlisterne.

Innarlisaarisarneq

Wikipediami unamminartut ilagaat innarlisaarisoqartarnera, ima paasillugu allatat iluarluanngitsumik uumisaarutiginiaannarlugilluunniit naqqissorneqartarnerat.

Aamma takukkit

Commons-logo.svg
Wikimedia Commons assinik nipinilluunniit peqarpoq, uunga tunngasunik:
Wiki letter w.svg Una allaaserisaq tannerusinnaagunaraluarpoq. Wikipedia ikiorsinnaavat ilagukku.