Tarnip ilinniarnera

Wikipedia-meersoq

Tarnip ilinniarnera ilisimatusaataavoq, ilinniangartuussuseq suliarlu inuup uumasulluunnit eqqarsartariaasiata atuuffianik pissusilersuutaanillu attuumassutilerissutaalluni. Tassuunakkut, suliami ilinniarsimasoq imaluunnit ilisimatusartorlu taaneqartarpoq tarnip pissusaanik ilisimatooq. Tarnip pissusaanik ilisimatooq inissisimavoq inooqatigiinnik imalunnit pissusilersuutinik ilisimasassarsiortoq. Tarnip pissusaanik ilisimatuut paasiniartarpaat ataasiakkaani eqqarsartariaatsip atuuffiata inoqataasutullu pissusilersuutaata inissisimaffiat, tarnip sianiutillu ingerlarngat paasisassarsiorfigiutigalugu.

Tarnip pissusaanik sammineqartartut uku ilanngunneqartarput, malugisanik paasinninneq, paasinnissinnaassuseq, samminninneq, misigissutsit, kajumilersitsineq, qarattap atuuffia, kinaasuuseq, pissusilersorneq aammalu inuit ataqatigiinnerat. Ilaat, ingammik itisuumik tarnimik ilisimatuut, silaqassuserup silaqanngittortaa isumaliuutigisarpaat. Misileraanertalimmik periaaseq atorlugu pissutaasoq aalajangiunneqartarpoq aamma tarnip inooqataanerannik attuumasuutillit nikerartut eqqarsaatigineqartarlutik. Ilanngullugu imaluunnit akerlianik misileraalluni tunngavilersoqqaakkamik atuisoqartarpoq, tarnip pissusaanik ilisimasallit assersuutinik isumalioqqissaarneq allanillu isumalioriasaarnerit suleriaatsit ilaatigut tatigiffigisarpaat.

Tarnip pissusaanik ilisimatusarnermi paasisat inuit aalaakkaaneranni atorneqartarput soorlu, ilaqutariiussutsimi, ilinniartitaanermi, sulisitsinermi taavalu tarnikkut peqqinnissami ajornartorsiutaasinnaasuni. Tarnip pissusaani ilisimatusarnermi immikkoortortaqarfiit amerlapput soorlu, ineriartornermi tarnip pissusilerineq, timersornermi tarnip pissusilerineq, peqqinnissami tarnip pissusilerineq, sanaartornermi aammattaaq aaqqissuusserinermi tarnip pissusilerineq, tusagassiutitigut tarnip pissusilerineq, inatsisitigut tarnip pissusilerineq taavalu unioqqutitsisoqarsimatillugu misissueqqissaarnermi tarnip pissusilerineq. Tarnip pissusilerineq inooqatiginnermi, pinngortitami inulerinermilu ilismatusarnermi misissuineq ilanngunneqartarpoq.

Una allaaserisaq aallarniutaannaavoq. Wikipedia ikiorsinnaavat nangikkukku.


Wikimedia Commons assinik nipinilluunniit peqarpoq, uunga tunngasunik: