Atuisoq

Wikipedia-meersoq
Spring til navigation Spring til søgning

Atuisoq pisisartut siunnersortittarfitut Atuisartoqarnermut Unammilleqatigiinnermullu Aqutsisoqarfimmi inissisimavoq. Allatut oqaatigalugu Atuisoq Kalaallit Nunaanni atuisartut sinnerlugit nakkutilliisuuvoq.

Taamaasilluni inuussutissarsiutillit inatsisit naapertorlugit sullissinerat Atuisup nakkutigisaraa. Inatsisartunut, kommuninut inuussutissarsiutilinnullu tunngatillugu, inuiaqatigiinni atuisartut pisisartullu nunatsinni soqutigisaat Atuisup isumagisarai.

Atuisoq atuisartunut tunngassutilinnik assigiinngitsorpassuarnik suliaqartarpoq, soorlu atuisartut saafiiginninnerini siunnersuinerit ilitsersuinerillu, atuisartut pisinnaatitaaffiinik pisussaaffiinillu paasissutissiinerit, nioqqutissat akiinik misissuinerit akinillu paasiuminarsaanerit, tusagassiutitigut atuisartunut paasissutissiinerit, inatsisit atuisartunut naapertuuttut pillugit tusagassiuutitigut nalunaaruteqartarneq, tusarnianernilu akissuteqaatinik suliaqartarneq, atuisartut allatseqarfiata atuisartut pisinnaatitaaffii pillugit qaffasinnerusumik ilinniarfinni, inuusuttunut ilinniarfinni, 9-10. klassini atuartunut, peqatigiiffinnut kattuffinnullu ilinniartitsineq neqerooritigaattaaq.