Inuup ineriartorneranik ilisimatusarneq

Wikipedia-meersoq

Inuup ineriartorneranik ilisimatusarneq tassaavoq siammasinnerusumik inuup ilinniarnera. Inuup ineriartorneranik ilisimatusarneq immikkortortaqarpoq tassaasunik: piorsarsimassusilerineq, inooqatigiinnerup sannaa il.il. aammattaaq inuup sannaata ineriartorneranik ilisimatusarneq.

Inuup ineriartorneranik ilisimatusarneq iluaqutigalugu, amerlanertigut ornillugit misissuinermi, inuiaqatigiit assigiinngittut imminnut naleqqiunneqarsinnaalertarput, imaluunnit piffissami pineqartumi inuiaqatigiit ineriartorsimanerat sammineqarsinnaalluni. Mississuinermi tunngaviusup siulliup soqutigineruaa inuiaqatigiinni sannaani assigiissaarnerat, aappaatalu ullutsinniuinerusoq imaluunnit oqaluttuarisaanermi piorsarsimasut "allakannajaanik" misissuineq.

Siusinnerusukkut inuup ineriartorneranik ilisimasassarsiortut ornillugulu misissuiartortut piorsarsimasut "allakannajaat" misissuiffiginerusarpaat, tassalu kitaamiuunnginnerusut. Kisiannili ilisimasassarsiornermi eqqarsariaatsit ineriartorneranni apeqquserneqarpoq "allakanajaat" assigisaallu, inuup ineriartornerani misissuinerup qanoq atorneqarnissaat "allakannajaat" eqqarsaatigalugit. Inuup ineriartorneranik ilisimasassarsiortut "marloqiusaasumik inissisimaffeqartutut" isigisaasarput ornitaminni. Alapernaannerminni iliuusaat tamakkuninga pinngortitsisarput. Kisianni akuleruteqqavinngillat, misissuisutut inissisimagamik, piorsarsimassusermillu allamik tunuliaquteqaramik, misissukkamik allaanerusumik.

Commons-logo.svg
Wikimedia Commons assinik nipinilluunniit peqarpoq, uunga tunngasunik:
Wiki letter w.svg Una allaaserisaq tannerusinnaagunaraluarpoq. Wikipedia ikiorsinnaavat ilagukku.