Tullerunnaq
(Sorlak-mit nuunneq)
Ateq: Tullerunnaq, sorlak, imalt, pakalak Qaarsut innakuluttaanni, urtelini aamma naggorissaateqartuni timmissat ineqarfiisa eqqaanniittuni, sissallu ungasinngitsuini nalinginnaavoq.Siammasinnerusarporli apusineqarfinni, nunaminertani orpigalinnilu naggorissuni. Pilutai issusuujupput kutsummik saattunnguamik qallersimallutik. Nunap iluani kanaartai siluttuuvoq tattaasaqarluni,ilua sungaartoq tipigissuuvoq. Kaavequtaat kisermaakkuutaarput, arnavissat angutivissallu immikkut naasuusarlutik. Kanaartaa nunap iluaniittoq (sorlak), pilutai kaavequtaalu (tullerunnaq) qangaanilli nerineqartarput ukiumullu peqqumaasiarineqartarlutik.