Nanoq

Wikipedia-meersoq
Nanoq
Ursus maritimus
Ursus maritimus in Alaska.jpg
Kunngeqarfik Animalia
Siuleriit Chordata
Inuiaqatigiinni
inissisimanerit
Mammalia
Tullerit Carnivora
Ilatutariit Ursidae
(Nannut ilaqutariit)
Kinguaarit Ursus (Nannut)
Pissuseqatigiit U. maritimus (Nanoq)
Polar bear range map.png

Nanoq (latiin.: Ursus maritimus) Kalaallit Nunaanni nersutit qaasuttut annersaraat Kalaallit Nunaata Avannaani Tunumilu uumasuunerusoq. Taamaattorli nannut sikorsuarnut ilaallutik Tunumiit Kujataanut uiarussinnaasarput.

Nanoq issittumi avannarlermi uumasuunissamut naleqqussarluarsimavoq. Meqqorsuani qaqorujuttut iluaqutigalugit avatangiisiminut ilassuuttuuvoq, amialu taama meqqulerujussuugami oqorluinnartuuvoq. Timaa oqorsaatitut poorsimavaa imermillu pitarneqarsinnanani. Isigarujussuit maakkarnaveeqqutaallutillu nalutsilluni anguartuutikkuminartuupput meqqulerujussuugamillu oqorsarluarsimallutik.

Nanoq puisinniallaqqilluinnartuuvoq. Ukiukkut nannup puisit allusiorlugit piniartarpai. Narajorluni nassaarisarpai taavalu puisi anersaarniarluni puitsiillugu tassani utaqqisarlugu. Nannup puisi siulliiminik saamimmik tassanngaannarluinnaq patillugu toquttarpaa. Aasaanerani nannup puisit sikutap qaani qassimasut taqissorlugit tikissinnaasariaqarpai.

Nannup arnavissap piaqqani apissimi iluani erniarisarpai. Piarai ernioqqaarnerminni kiilup affaannaanik oqimaassuseqartarput, kisiannili qaammatit pingasut qaangiunnerani apissiminnit anigaangamik 15 kiilunik oqimassuseqalereersimasarlutik.


Commons-logo.svg
Wikimedia Commons assinik nipinilluunniit peqarpoq, uunga tunngasunik: