Kimmernaq Kjeldsen

Kimmernaq Kjeldsen (in. 12. februar 1980 Aasiaat) erinarsortartuuvoq kalaallit.

Erinarsortartoq, isiginnaartitsisartoq, aallakaatitassiortoq nunatta TViatigut, klummiliortartoq, timmisartumi saqisoq.

Siullermik saqqummersitsivoq 2006-imi Pilu Lyngep taalliai erinniailu atorlugit, taanna ateqarpoq “Tunissut”. Taanna tigulluarneqarpoq guldpladennallunilu CD-it 7000-it tunineqarnerisa kingorna.

Taassuma kingorna 2007-imi DVDimik saqqummiivoq Nuummi tusarnaartitsinerminik immiussaanik imalimmik.

Nunatta Isiginnaartitsisarfia peqatigalugu 2012-imi saqummeeqqippoq tassani qullissarmiut Jens Hendriksen aamma Jens Leibhardt allallu taalliaat erinniaallu atorlugit immiussipput Qullissat matuneraniit ukiut 40-nngornerat malunnartinniarlugu. Makkak Kleistip ilitsersuisuuffigaa Christian Søgaard nipilersornermik aaqqissuisuulluni.

2013-imi Frederik Elsner taalliortoralugu erinniortoralugulu saqqummeeqqippoq taannalu ateqarpoq “Uani”.

2020-imi Kimmernaq saqqummersitseqqippoq erinnamik paasititsiniummik Angajo Lennert-Sandgreen »Hinnarik« aamma Josef Tarrak peqatigalugit. Taanna ateqarpoq “Eqitaaqqikuttoorumaarpugut.”

Kimmernaq isiginnaagassiami nipilersornertalimmi “Akunnerit”-mi aamma erinarsoqataavoq. Taanna isiginnaagassiaq Laarseeraq Svendsen nersorniarlugu isiginnaagassiaavoq CD-tullu saqqummerluni kingusinnerusukkut. Jim Milnep nipilersorneri aaqqissuuppai pattattuullunilu.

Kimmernaq aamma Nunatta Isiginnaartitsisarfianit allagartaqarpoq.

Danmarks Radiop aallakaatitassiarsuani 2020-imi inuttaavoq Qetura Lyngetut (Augo Lyngep nulia).

Aamma Cmorep isiginnaagassiarsuani inuttaavoq 2022-imi saqqummersumi naalakkersuisut siulittaasuatut Pipaluk Møller (fiktiv karakter).

Nittartakkat

• Kimmernaq Aviisi "Arnanut"

Una allaaserisaq tannerusinnaagunaraluarpoq. Wikipedia ikiorsinnaavat ilagukku.