Inuit nunaanni nipilersortartut kattuffiat

Wikipedia-meersoq
Spring til navigation Spring til søgning

Inuit Nunanaanni Nipilersortartut Kattuffiat

Inuit Nunanaanni Nipilersortartut Kattuffiat (INNK) 2007-mi Nuummi pilersinneqartoq. Tassaavoq nipilersortartut peqatigiiffiisa sinerissamiittut kattuffiat. Ullumikkut ilaasortarineqarlutik QNHP (Qaanaaq), Nipivik (Upernavik), Uummannami Nipilersortartut Peqatigiiffiat, Qasigiannguani Nipilersortartut QANIPI, Nipiaa (Aasiaat), Kangaatsiami Nipilersortartut Peqatigiiffiat, Nuummi Nipilersortartut, Narsami Nipilersortartut, Qaqortumi Nipilersortartut.

Kattuffiup siunertaraa Nunatsinni nipilersortartunut nuna tamakkerlugu kattuffiunissaq, ilanngullugit illuatungaani nipilersortartut illuatungaanilu pisortat oqartussaasuisa, kattuffiit attuumassuteqartut ingerlataqarfiillu akornanni attaveqaqatigiittarnissaq.

Kattuffik, siulersuisut aalajangeereernerisigut, siunnersuisoqatigiinni aalajangiisarfiusunilu ilaasortatut peqataasinnaavoq. Kattuffiup soqutigisaqaqatigiiffittut Nunatsinni nipilersortartunut atugarisaasut pitsanngorsarniarlugillu ineriartortitseqataaffiginiassavai, aningaasaqarnikkut aammalu kulturikkut tunuliaqutalimmik.

Kattuffik siulersorneqarpoq siulersuisunit tallimanik ilaasortalimmit. Siulersuisunut ilaasortat ataatsimeersuarnermi ukiunut marlunnut qinerneqartarput. Qinigaaqqittoqarsinnaavoq. Siulersuisunut ilaasortat ilaasortaanerminnut atatillugu akissarsiaqartinneqanngillat. Taakku saniatigut siulersuisunut sinniisussat marluk qinerneqartarput.

Kattuffimmut ilaasortaanngitsut, peqatigiiffilerinermilli tunngavissallit ataatsimeersuarnerup akuersineratigut siulersuisunut ilaasortassatut inassutigineqarsinnaapput.

Ullumikkut siulersuisuupput Siulitaasoq Johan Henningsen (Narsami Nipilersortartut) Siulittaasup tullia Elo Geisler (Nuummi Nipilersortartut) Allatsi Juaaka Lyberth (Nuummi Nipilersortartut) Aningaaserisoq Hanne Saandvig (Nuummi Nipilersortartut) Siulersuisunut Ilaasortaq Karl Mathiassen (Nipiaa, Aasiaat)

INNK allaffeqarpoq Nuummi, H.J. Rinksvejs -imi KNR-p illutakuani. Pilersinneqaqqaarami Suliniaqatigiiffik Team Music-imik taajortunit pilersinneqarpoq siullerpaamillu siulittaasuulluni Leif Immanuelsen maanna Kulturilerisut Kattuffianni siulittaasuusoq INNK-miit qiningaalluni.

Aamma alakkaruk INNK Facebook-imi https://facebook.com/group.php?gid=56300376705