Tunnullit

Wikipedia-meersoq
(Tunnulik-mit nuunneq)
Tunnullit
Map Tunnullit

Arfeq Tunnulik (Balaenoptera musculus) nunarsuarmi uumasuusarsimasut tamarmik annerpaartaraat. Kalaallit Nunaanni aasakkut Kitaata eqqaani tunnullit siumugassaasarput, qaqutiguinnarli sissamut qanillisarlutik.

Tunnulik 30 meterit angullugit takitigilersinnaavoq 200 tonsillu tungaannut oqimaatsigilersinnaalluni. Uummaterujussua biilitut angitigaaq, taqarujussuilu ima silitsigaat allaat naalungiarsuk tattoqisaannani tamakku iluatigut paarmorsinnaalluni.

Tunnulik niaqqumi qaani anersaartorfimmigut marlutsigut silaannarmik supisisarpoq. Taamaaligaangat tamanna pujuusanngortarpoq 20 meterit pallillugit portutigaluni, taamaattumillu ungasissumiit takuneqarsinnaasarluni.

Tunnullip isituuaqqat nerisarai. Taamattut 1 tons ataatsikkut oqummiussinnaavai, tassa isituuaqqat ullormut 30 millionit missaat.


Wikimedia Commons assinik nipinilluunniit peqarpoq, uunga tunngasunik:

Una allaaserisaq aallarniutaannaavoq. Wikipedia ikiorsinnaavat nangikkukku.