Oqallinneq:Ilinniartitaaneq

Page contents not supported in other languages.
Wikipedia-meersoq

"Eqqqarsaatersuutikka ,ilanngutissallugit uunga tulluarsorivara"! Imatut aallartittut;Sooq inunnguutitsinnik oqaatsigut allattaaserpullu salliutillugit ilinniartitaanerput/qaffasinnerusumillu ilinniartitaanerput ingerlalersinnaanngila?. Eqqarsaatigisarpara/kka inuiassuit allat siuarsimasorssuit ,ilinniakkaminnik angusarissaartorssuit ,sooq angusarissaartorsuuppat ?,siullermik nalunanngitsumik inunnguutsiminnik oqaatsitik/allattaasertillu atoqqissaarlugu ilinniarnertik ingerlattaraat,taamattaaq ingerlaqqeriarfimminni ,annertunerusumik ilinniarfimminni tunngaviusumik oqaatsitik /allattaasertillu nalunngilluakkatik atorlugit ilinniartitaaneq ingerlattarsimassagaat ,takorloortarpara,taamaattumik sapersaatiginngilluaasarlugu angusarissaarluartarsimassallutik,qaffasinnerusunullu ingerlaqqilluarsinnaallutik."Qanorlimi angusarissaarnartigisimassava,ineriartornerallu ingerlalluartartigippat"! . Tassani eqqarsaatigivakka nunarsuatsinni nunat assigiinngitsuniittut , soorlu takusinnaasarpagut inuissuit siuarsimasorssuit .

Uagulli nunatsinni inunnguutitsinnik oqaaseqartuusugut , ilungersorluta anguniakkagut anguniartarpagut , pissutigalugu qallunaat oqaasii/allattaaserlu ,pinngitsoorata ilikkarsimasariaqaratigit ,taamaalilluta oqaatsit marluusut nalunngittariaqaratigit , tamanna eqqarsaatigillualeraangakku , ilungersunarsinnaasarpoq , marloqiusamik eqqarsartariaqartarpugut ,qallunaatut oqaaseq paasinngikkutigit ordbog-ni nassaareqqaartariaqartarpagut qanoq isumaqarnersut , nukinnik atuinartuuvoq oqaatsit marluk atorlugit ,qarasarpullu sulisittaqaarput. eqqarsaatigeqqilaariartigu kalaaleqaterpassuagut qallunaat oqaasiinut angusarissaartuunngitsut , ilarpassui ingerlaqqeriarsinnaaneq ajorput ,pissutigalugu qallunaatut angusaat/karakter annikippallaarmat ,qanorlimita tamakkua allatuulli ingerlariaqqikkusuttartigigaluarpat ilinniartitaanikkut . Takorloortarpara uagut nammineq inunnguutitsinnik oqaatsivut/allattaaserpullu atorlugit ilinniartitaanikkut ,(meeqqat atuarfiini,ilinniaqqiffinni, annertunerusuni ilinniaqqiffinni, inuussutissarsiornikkut ilinniaqqiffinni /uddannelse il.il. ) nunatsinni ingerlalersuuppata ajunnginnerusumik tunngaviusumik oqaatsivut atorlugit ,kalaaleqaterpassuagut amerlasuut angusassaat annertunerulersinnaassagaluartut ,tassa kalaaleqaterpassuagut ilinniarsimasut amerlanerulersinnaassagaluartut , angusarissaarnerulerlutillu atugarissaarnerulerutillu pisinnaassagaluartut .

Neriullunga una eqqarsaatersuutigisartagara/allagara ajunngitsumik paasineqarsinnaallunilu tiguneqarumaartoq. Allattoq Mette Holm Nuuk.

Haluu Mette Holm. Eqqarsaatersuutit allaaserisamut ilisat maanga nuukkakku tulluarnerutikkakku. Ilumoorami kal.nun. ilinniarneq qallunaatut tuluttullu ingerlanneqartarnera sakkortusinnaavoq, uagummi oqaatsigut tasakku oqaasii "ilaqutarinnginnamikkik" allaanerujussuugamik, kisianni aamma nersorlugu eqqaarusunnarpoq, kalaaleqaterpassuagut ilinniarfinni naammassigaangata suliffeqarlerlutik inuunermik atugarissaarnerullutik inuuneqalertarnerat, tamanna kusanarpoq. Inuss. inuull. --Qaqqalik 10. Dec 2009, 14:52 (UTC)[svar]