Iron Maiden

Wikipedia-meersoq
Iron Maiden
Iron Maiden - bass and guitars 30nov2006.jpg
Paasissutissat
Nipilersoriaaseq Heavy metal
NWOBHM
Ukiut ingerlaffiit 1975
Immiussisarfik EMI
Sanctuary
Columbia
Capitol
Nipilersoqatit Blaze
ASAP
Wolfsbane,
Psycho Motel,
Lauren Harris
Assigerusutaq Judas Priest
Sunniisoq Darkthrone
Finntroll
Helloween
Slayer
Nittartagaq www.ironmaiden.com
Ilaasortat
Bruce Dickinson
Dave Murray
Adrian Smith
Janick Gers
Steve Harris
Nicko McBrain
Ilaasortaanikut
Paul Day
Dennis "Den" Wilcock
Paul Di'Anno
Blaze Bayley
Dave Sullivan
Terry Rance
Bob Sawyer
Terry Wapram
Paul Cairns
Paul Tod
Tony Parsons
Dennis Stratton
Ron Matthews
Barry Graham
Doug Sampson
Clive Burr
Tony Moore

Iron Maiden nipilersoqatigiiupput heavy-metal-inik appisimaartartut aallartittut 1975-imi London-imi Tuluit Nunaanni, aallarniisoralugu bassertartuat Steve Harris. Nipilersoqatigiit naatsorsuunneqartarput maani silarsuarmi heavy-metal-imik sunniilluarnerpaat, immiussatik katillugit 70 mio. sinnerlugit tunisaammata. Arlallit nipilersoqatigiit heavy-metal-imik nipilersortartut taakkununnga sunnertillutik nipilersortarsimapput, soorlu amerikkarmiut Slayer, namminneq oqarsimapput Iron Maiden-ikkut nipilersoriaatsiminnik sunniinerpaasimasut. Nipilersoqatigiit 19. aug. 2005 Hollywood's Rockwalk-imut ilanngunneqarput, tassaasoq nipilersornermut assersuullugu Hollywood Walk of Fame.

Nipilersortartut ilisarnaaqqutaat, Eddie, ilaasarpoq tusarnaariartitsisarneranni aamma immiussaminni saqqaani. Eddie computerspil-ini Ed Hunter tunuliaqutaavoq.

2009 tikillugu Iron Maiden-kkut saqqummersippaat immiussat 14-it, katersukkat 10-it, tusarnaartitsinerminni immiussat 9-it.


Oqaluttuassartaa[aaqqissoruk | redigér wikikode]

Nipilersoqatigiit aallartipput maajimi 1975, Steve Harris Dave Murray-ilu naapimmata siullerpaamik. Ukiullu trettenit qaangiuttut taarseraannernik nipilersoqateqartarlutik ingammik aallarteqqaarneranni, taakku suli annermik nipilersoqatigiit ingerlappaat.

Ukiut siulliit[aaqqissoruk | redigér wikikode]

Steve Harris Iron Maiden aallarnerpai aamma amerlanerit atortagaat sanaarivai

Iron Maiden-ikkormiut arlalinnik inuttaqartarput nikerartartunik 1970'ikkunni, tamassumalu nalaani tusarnaartitsinerusarput tamani punkklubbini London-ip kangisinnerusortaani. Naak nipilersoriaasiat metal-iugaluartoq, soorlu Deep Purple, Yes, Wishbone Ash aamma Black Sabbath-ikkut taamaattut, nipilersoriaaseqaqqaarput punk-inik sukkasuunik. Taamatut nipilersoriaaseqartarnerat unippoq erinarsortuat siulleq Paul Day taamaatimmat taarserneqarlunilu Dennis Wilcock-imit. Day nipilersoriaatsinik punk-inik sukkasuunik tusarnaarusutaqartuusoq, Wilcock-ilu Kiss-ikkunnik nuannarisaqartoq soqutigisarinerugai tusarnaartitsinerni qalipaatigissaartunik ilusilersuineq aagasaartunillu asuleertunik.

Nipilersoqatigiit taamatut punkinik atueqqittalerput Paul Di'Anno erinarsortortaarileramikku. Immiussisarfimmi sulisut Iron Maiden-ikkut ukiorpannili oqaluuttaraluarpaat nutsatik killulaartaqqullugit nipilersoriaasertillu metal-iusoq atornagu "punk kusanalaarnerusoq" atulaartaqqullugu, tassanilu Di'Anno nujaqartartoq naatsunik, siuttoralugu atuisalerput sukkasuunik kigaallannernillu akusarlugit nipilersoriaaseqalerlutik. 1978 ingerlanerani Harris Murray-ilu inuttaqalerput aalajaatsunik nipilersoqateqalerlutik, ilanngullugu trommertuat Doug Sampson.

Tamassuma nalaani (1978) Iron Maiden-ikkut uissuumminangaartunngorput Tuluit Nunaanni rock-ertarfiusuni. Ukiut pingasuinnaat nipilersoqatigiittarput, amerlasoorsuarnillu aalajaatsunik tusarnaartartoqalerlutik. Suli namminneq sanaaminnik atuineq ajorlutik, 31. dec. 1978 immiussipput nipilersoriaasertik saqqummiullugu (demo) tusaamaneqarnerpaamik rock-ip oqaluttuarisaanerani. Sisamat, pingasut single-liaanni ilaallutik "The Soundhouse Tapes" (1979), ulloq manna tikillugu katersugaatissatut piumaneqarnerpaat.


Iluatitsineq[aaqqissoruk | redigér wikikode]

Nammineq sanaaminnik immiussaqqaavat "Iron Maiden" saqqummerpoq 1980-imi niuernerup aamma allaatigineqarneranut iluatitsilluartumik. Nipilersoqatigiit kissassaasuusarput Kiss-ikkut angalaarneranni aamma Judas Priest-ikkunnut akuttukkaanik kissassaasartuullutik. Nipilersoqataat ilaat peersikkiarlugu Adrian Smith ilannguppaat.

Smith blues-imut sunnigaasuuvoq, aamma ilaatigooriarluni misiligarnartunik nipeqartarluni, nipilersoriaasia Murray-imut assigiinngilluinnartoq ilaliinnartarpaa Iron Maiden-ikkut nipaata qanoq innera immikkuullarissunngorlugu. Ilisarnaaqqutigisalerpaat ataasiakkaarisoqarnerani marluullutik ingioqatigiillutik nipaqartarnerat.

1981-imi saqqummersitseqqipput atserlugu "Killers". Pikkugineqartoq siulleq takkuppoq, nipilersoriaasertillu sakkortooq amerikkarmiunut tusarneqartalerput.

Nipilersoqatigiit Iron Maiden festertut ikiaroortullu akornanni ilaanngisaannarput, erinarsortuat Paul Di'Anno eqqaassanngikkaanni. USA-mi tusaamasarsuanngulernerat ilutigalugu Di'Anno ileqqulersornera ajorsigaluttuinnalerpoq ilaminut tutsinneqartalerluni nipilersornerannullu malunnarsisalerluni kinguneritinneqarluni nutaamik erinarsortortaarlutik Bruce Dickinson-imik atilimmik.

Dickinson erinarsornera allaanerusoq ilaasa pitsaanerutikkaat iluarinerullugulu. Taassuma erinarsorluni nuussualioqataaqqaarpoq "The Number Of The Beast", naatsorsuunneqartartoq nipilersoriaatsini heavy-metal-ini puigunngisaannagassaq. Nuussualiaq taanna silarsuarmi pissangagineqarluni iluatsilluarpoq, erinnat marluk ingammik attuisuullutik: "The Number Of The Beast" (qulequtaa) aamma "Run to the Hills".

Iron Maiden tusarnaartitsisut Frankrig-imi 2005. Ilisarnaaqqutaat Eddie tunuaniittoq ersarippoq.

Ulluinnarmi[aaqqissoruk | redigér wikikode]

Nuussualiaat "The Number of the Beast" saqqummermat (1982) kinguneritippaa Iron Maiden unnerluunneqartalermat, ingammik USA-mi, satanistiunerarneqartarlutik. Naak nipilersoqatigiit unnerluutit tamakku tunuartinniartaraluaraat erseqqissartarlugulu Steve Harris sinnattuni taalliorsimagaa, arlallit tusagassiuutit killormuanik isumaqartartut. Kristumiut immikkoorniaqatigiit piumasaqaraluarput nuussualiaat aserorterneqaqqullugit.

Taanna nuussualiaq immiunnerata nalaani kinguneraniluunniit, immiussisuat Martin Birch biilertilluni ajutoornermik nalaataqartoorpoq akiligassinneqarlunilu 666 pund. Birch akiliinnarpai 667 pund, ilamigooq akileeqqusisoq uppertuusimagami.

Commons-logo.svg
Wikimedia Commons assinik nipinilluunniit peqarpoq, uunga tunngasunik: